काभ्रे–ब्लड क्यान्सरबाट पीडित नमोबुद्ध २ का गोकुल कटुवाललाई कोरियामा रहेका नेपालीहरुले आर्थिक सहयोग गरेका छन् ।
नेपाली कांग्रेसका युवा नेताहरु मिनवहादुर तामाङ र हेमकुमार श्रेष्ठको पहलमा संकलन भएको १ लाख ३२ हजार ४ सय १२ रुपैयाँ आज हस्तान्तरण गरिएको छ । नेपाली कांग्रेस नमोबुद्ध–काठमाडौ सम्पर्क समितिका सभापति आकाश तामाङले नमोबुद्ध २ का वडाअध्यक्ष कविराज श्रेष्ठ, वडा सदस्य लक्ष्मण गौतमको उपस्थितिमा कटुवाललाई सहयोग रकम हस्तान्तरण गरेका हुन् ।
। नेपाली कांग्रेस नमोबुद्ध–काठमाडौ सम्पर्क समितिका सभापति आकाश तामाङले गोकुल कटुवालको जीवन रक्षाका लागि सहयोग संकलनको पहल गरिरहेका छन् । यसअघि दशैं, तिहार,नेपाल सम्वत, छठपर्व र ल्होसार पर्वको अवसरमा आयोजित शुभकामना आदानप्रदान कार्यक्रममा तामाङकै नेतृत्वमा आर्थिक सहयोग संकलन गरिएको थियो । उक्त कार्यक्रममा ७६ हजार १ सय १० रुपैयाँ संकmन भएको थियो ।
सहयोग संकलन अभियानमा नेतृत्व लिएका सभापति तामाङले विदेशमा पसिना बगाएर कटुवालको उपचारका लागि सहयोग गर्ने नेपालीहरुलाई धन्यवाद दिएका छन् । उनले भनेका छन्, ‘थोपा थोपा संकलन गरे समुन्द्र बन्छ भने जस्तैं, कोरिया बसि थोपा थोपा सहयोग गरिदिनु हुने तपाईं सम्पुर्ण सहयोगी भावनाका धनी सम्पुर्ण साथीभाईहरुलाई हृदय देखि नैं नमन ।’