मण्डनदेउपुर-मण्डनदेउपुरमा अखिल नेपाल किसान महासंघकाे श्रम शिविर सम्पन्न भएको छ ।

अखिल नेपाल किसान महासंघ मण्डनदेउपुर नगर कमिटिकाे आयाेजनामा मंसिरे बिटलगाउने काम अन्तर्गत धान चुट्ने काम सम्पन्न भएकाे हाे । नेकपा एमाले काभ्रे जिल्ला कमिटीका अध्यक्ष राजन भुर्तेलको प्रमुख आतिथ्यतामा कार्यक्रम सम्पन्न भएको थियो ।

कार्यक्रममा एमाले काभ्रेका पुर्व उपाध्यक्ष चन्द्र लामा, पार्टिका जिल्ला नेताहरू, महासंघ काभ्रेका अध्यक्ष श्यामसुन्दर चाैंलागाँई लगायतका नेताहरूकाे उपस्थिति रहेकाे कार्यक्रम महासंघ मण्डनदेउपुरका अध्यक्ष झलक बहादुर तामाङकाे सभापतित्वमा सम्पन्न भएकाे हाे ।

नेकपा एमाले मण्डनदेउपुर-८ का वडा कमिटी अध्यक्ष सराेज पाैडेलकाे खेतमा श्रम शिविर सम्पन्न भएकाे हाे । यसअघि पनि राेपाई गर्ने गरेकाे उक्त खेतमा बिटा लगाउने काम सम्पन्न भएकाे महासंघका अध्यक्ष झलक तामाङले बताए ।