काभ्रे । बनेपाको पर्यटकीय स्थल नालामा रहेको काभ्रे भिमसेन मन्दिरमा समाजसेवी अनिला कायस्थले सहयोग गरेकी छन् ।

मन्दिर निर्माणका लागि जनप्रतिनिधिले बेवास्ता गरिरहेको समयमा कायस्थले भक्तजनहरुको लागि  विश्राम गर्ने कुर्सीहरु सहयोग गरेकी हुन्।

मन्दिरमा पुर्व मेयर  लक्ष्मीनरसिंह बादे र पुर्व उपमेयर रेखा सापकोटा दाहाल र तत्कालीन वडा नं ३ का अध्यक्ष सहितले पर्यटकीय क्षेत्र बनाउने हिसाबले उक्त काभ्रे  भिमसेन मन्दिरलाई नगरको  बजेट हालेर काम सुरु गरेका थिए । तर कार्य सम्पन्न हुन सकेको छैन। 

अहिले २०७९ मा निर्वाचित जनप्रतिनिधिहरुले उक्त ठाउँको बेवास्ता गर्दै कुनै पनि बजेट उक्त क्षेत्रमा नछुट्यायको मन्दिर व्यवस्थापनका अध्यक्ष राजेन्द्र दाहालले वताए ।

काभ्रे जिल्लाको बनेपा नगरपालिका वडा नं ७ की कायस्थले आफ्नो  स्व. पिता रामचन्द्र कायस्थको १६ औं वार्षिक पुण्य तिथिको अवसरमा आज  बनेपा नगरपालिका वडा नम्बर-३ ससिपानीमा रहेको  काभ्रे भीमसेन मन्दिरलाई फलामको विश्राम गर्ने कुर्सी सहयोग गरेकी हुन् ।बुबाको वार्षिक पुण्य तिथिको अवसरमा कायस्थले मन्दिरमा विश्राम गर्ने कुर्सी तीन थान सहयोग गरेकी हुन् । 

बुबाको पुन्य तिथिको अवसरमा भीमसेन मन्दिरलाई सानो सहयोग गर्न पाउँदा आफू निकै खुशी भएको समाजसेवी कायस्थले बताईन् । कायस्थले यस अघि आफ्नो आमा/बुबाको वार्षिक पुन्य तिथिको अवसरमा जिल्लाका विभिन्न सामाजिक संघ संस्था, सामाजिक क्षेत्रमा सहयोग गर्दै आएकी छिन् ।

आफ्नो बुबाको पुन्य तिथिको अवसरमा यस मन्दिरलाई  सहयोग गरेर साथ दिएकोमा  समाजसेवी अनिला कायस्थ परिवार प्रति काभ्रे भीमसेन मन्दिर व्यवस्थापन समितिले धन्यवाद व्यक्त गरेको छ।