Sunday, 29 January 2012 08:53 am, Nepal
नेपालगञ्ज, १५ माघ : जनतान्त्रिक तराई मधेस मुक्ति पार्टीका नाममा पश्चिम तराईमा हिंसात्मक गतिविधि सन्चालन गरीरहेका अर्जुन सिंह सिखउर्फ भगत सिंहले युद्धविरामको तयारी गरेका छन् । एक विज्ञप्ति जारी गरी सिहंले शान्ति मन्त्रालयको वार्ता प्रस्तावलाई स्वीकार गर्दै युद्धविरामको तयारी गरेको बताएका छन् । एक साताभित्र वार्ता टोली बनाएर हतियार बिसाएको घोषणा गर्नें विज्ञप्तिमा उल्लेख छ ।
काठमाडौं, १५ माघ : संविधान लेखनका लागि दोस्रो पटक संशोधन गरिएको कार्यतालिका आज सकिँदै छ । शासकीय स्वरुपलगायतका विषयमा सहमति जुट्न नसकेपछि दलहरूले गएको पुस २० गते कार्यतालिका परिमार्जन गरेका थिए । सहमतिका लागि थपिएको २५ दिनको समय पनि दलहरूले यत्तिकै गुजारेपछि कार्यतालिका फेरि संशोधन हुने भएको छ ।
काठमाडौं, १५ माघ : प्रतिपक्षी दलहरूको अवरोधका कारण पटक पटक स्थगित हुँदै आएको व्यवस्थापिका संसदको बैठक आजका लागि बोलाइएको छ । दिउँसो १ बजेका लागि बोलाइएको आजको बैठक पनि सुचारु हुने सम्भावना कम छ ।
काठमाडौं, १४ माघ : तीन प्रमुख दलका शीर्ष नेताको बैठकले संविधानसभाको कार्यतालिका परिमार्जन गर्ने निर्णय गरेको छ। जेठ १४ गतेअघि नै संविधान बनाइसक्ने गरी कार्यतालिका बनाउन बैठकले सचिवालयलाई निर्देशन दिने निर्णय गरेको हो। तीन दलका शीर्ष नेता र सभामुख सुवासचन्द्र नेम्वाङको संयुक्त बैठकले यस्तो निर्णय गरेको हो।
काठमाडौं, १५ माघ : पेट्रोलियम पदार्थमा बढाइएको मूल्य फिर्ता लिनुपर्ने माग गर्दै आएका युवा विद्यार्थीहरूले आज काठमाडौंको नयाँ बानेश्वरमा विरोधसभा गर्ने भएका छन् । सरकारले आंशिक मूल्य घटाए पनि उनीहरूले बढाइएको मूल्य सबै घटाउनुपर्ने माग गर्दै आएका छन् । दोस्रो चरणको आन्दोलनस्वरुप युवा विद्यार्थीहरूले विभिन्न दबाबमूलक कार्यक्रमहरू सन्चालन गर्दै आइरहेका छन् ।
काठमाडौं, १५ माघ : आज जनवरी २९ तारिख, विश्व कुष्ठरोग दिवस विभिन्न कार्यक्रम गरी मनाइँदै छ । आज काठमाडौं उपत्यकासहित देशभर ¥याली, अन्तरक्रिया, गोष्ठी जस्ता कार्यक्रम हुँदै छ । कुष्ठरोग विरुद्धको दिवस हरेक वर्ष जनवरी महिनाको अन्तिम आइतबार मनाउने गरिन्छ ।
काठमाडौं, १४ माघ : प्रहरी प्रधान कार्यालयले ५९ डीएसपीको सरुवा गरेको छ। माघ महिनादेखिको तलब, भत्ता खानेगरी उसले शनिबार सरुवा सूची सार्वजनिक गरको हो। सूचीअनुसार झापामा गोविन्द थपलिया, मोरङमा उमाप्रसाद चतुर्बेदीलाई सरुवा गरेका हुन्। यी दुबै ठाउँमा पद रिक्त थियो।
काठमाडौँ, १४ माघ : डेनमार्कले नेपालको सामाजिक एवम् आर्थिक विकासका लागि प्रदान गर्दै आएको सहायता रकम बढाउने तयारी गरेको छ । दुई दशकभन्दा अघिदेखि नेपालमा शिक्षा, नवीकरणीय ऊर्जा, मानवअधिकार एवम् सुशासनको क्षेत्रमा उल्लेख्य योगदान गर्दै आएको डेनमार्कले पछिल्लो समयमा गरिबी न्यूनीकरण, राजनीतिक स्थायित्व, दिगो आर्थिक विकास, शान्तिप्रक्रिया र उद्यमशीलता विकासका लागि सहयोगको दायरा बढाउँदै आएको छ ।
विराटनगर, १४ माघ : लोडसेडिङका कारणले यहाँका फलामे रड उद्योगहरुको उत्पादनमा ५० प्रतिशतले कटौती भएको छ । लोडसेडिङले उत्पादित फलाम रडको मूल्यमा समेत वृद्धि भएको सम्बन्धित उद्योगबाट थाहा भएको छ । अहिले बजारमा प्रति क्विन्टल रु सात हजार ५०० देखि रु आठ हजारमा फलामे रड बिक्री भइरहेको छ ।
दमास्कस, १५ माघ : सिरियामा बढ्दो हिंसाका कारण अरब लीगले आफ्नो विवादास्पद अनुगमन मिशन स्थगित गरेको छ । तर अनुगमनकर्ताहरु भने सिरियामा नै रहने बताइएको छ । अरब लीगले सिरियाको रक्तपात अन्त्यका लागि भन्दै गत डिसेम्बरबाट आफ्ना अनुगमन मिशन सिरियामा शुरु गरेको थियो । अरब लीगका विभिन्न सदस्य मुलुकहरुले सिरियाको नाजुक अवस्थाको कारण देखाउदैं आफ्ना अनुगमनकर्ताहरुलाई यसअघि नै फिर्ता बोलाइसकेका छन् ।
यांगुन, १४ माघ : दुई दशकभन्दा अगाडिदेखि सैनिक शासन लागु भएको म्यानमारमा यतिखेर चुनावी चहलपलह सुरु भएको छ । सैनिक शासनका कारण बाह्य संसारबाट अलग रहेको एसियाली राष्ट्र म्यानमारमा सरकारले हालै राजनीतिक सुधार अघि सारेको हो र अप्रिल महिनामा हुने उपनिर्वाचनका कारण यो मुलुक चर्चामा छ ।
.jpg "श्रीपन्चमीको अवसरमा स्वयम्भुस्थित सरस्वतीको मन्दिरमा लागेको भक्तजनहरुको भीड ।")
.jpg "श्रीपन्चमीको अवसरमा स्वयम्भुस्थित सरस्वतीको मन्दिरको भित्तामा आफ्नो वच्चालाई लेख्दै सिकाउँदै एक सर्वसाधारण ।")
.jpg "राजधानीमा आयोजित अन्तराष्ट्रिय सहकारी वर्ष २०१२ को उदघाटन कार्यक्रममा खैजडी भजन प्रदर्शन गरिँदै ।")
.jpg "समृद्धि र सुशासनका कार्यक्रम सार्वजनिक गर्ने कार्यक्रममा संवोधन गर्दै प्रधानमन्त्री बाबुराम भट्टराई । तस्वीर : रासस")
६२ औं बर्लिन फिल्म फेस्टिभलमा प्रदर्शन हुने चलचित्रहरुको अन्तिम सूची सार्वजनिक गरिएको छ । फेब्रुअरी ९ देखि सुरु हुने उक्त महोत्सवमा विभिन्न ५३ वटा चलचित्र प्रदर्शन गरिनेछन् । जसमा १८ वटा मूख्य कार्यक्रम अन्तर्गत, १५ वटा पानारोमा स्पेसल, २० वटा पानारोमा डकुमेन्ट्रि सेक्सनमा र ४ वटा सर्ट फिल्म प्रर्दशन हुनेछन् । उक्त प्रदर्शनीमा नेपाली चलचित्र ‘हाइवे’ पनि सहभागी हुँदैछ । तर, संसारमा सबैभन्दा धेरै चलचित्र निर्माण हुने बलिउडबाट भने यो वर्ष कुनै पनि चलचित्र उक्त महोत्सवका लागि छनोट भएको छैन् ।
भारत विरुद्धको चौथो तथा अन्तिम टेष्टमा २ सय ९८ रनको फराकिलो अन्तरले जीत हात पार्दै चार टेष्टको शृङ्खला अष्टे«लियाले ह्वाईट वास गरेको छ । यसअघि लगातार अष्टे«लियाले तीन टेष्ट आफ्नो पक्षमा पारेको थियो । चौथो टेष्टको दोस्रो इनिङमा ५ सय रनको ठूलो चुनौती पाएको भारत २ सय १ रनमा समेटिएपछि अष्टे«लियाले शृङ्खला ह्वाईट वास गरेको हो । अन्तिम दिनको आजको खेलमा पछिल्ला क्रमका व्याट्सम्यान एक घण्टा पनि क्रिजमा टिक्न सकेनन् ।
एकीकृत नेकपा माओवादीभित्र महिनौं लामो विवादपछि अहिले तत्कालका लागि विवाद टुंगिएको देखिएको छ । हालै सम्पन्न केन्द्रीय कमिटी बैठकमा पेश भएका अध्यक्ष प्रचण्ड र उपाध्यक्ष मोहन वैद्यका प्रस्तावलाई तल्लो तहसम्म छलफलमा लैजाने निर्णय भएपछि विवाद मिलेको देखिएको हो । तर, सरकार लगायतका विषयमा भने अझै कुरा मिल्न सकेको छैन । यस्तै विवाद र शान्ति प्रक्रिया लगायतका विषयमा माओवादीका स्थायी समिति सदस्य नेत्रविक्रम चन्दसँग गरिएको कुराकानी:
सन् २०११ बिदा हुन अब एक साता मात्र बाँकी छ । यस वर्षको अरब र अफ्रिकन क्रान्तिले विश्व राजनीतिलाई कहिल्यै नभुलिने पाठ दिएका छन् । यस वर्षको अर्को महत्वपूर्ण पक्ष विश्व–अर्थतन्त्र बनेको छ । वर्षान्तमा सामान्य बन्न थालेको विश्व–अर्थतन्त्रको एक भाग युरोक्षेत्रमा सार्वजनिक ऋण सङ्कटका कारण त्यहाँका केही नेतृत्व ढलेका छन् र यसभित्रै ध्रुवीकरणका रेखा कोरिएको अनुभव भएको छ । कार्नेगी इन्डोमेन्टको इन्टरनेसनल इकोनोमिक बुलेटिनमा उरी दादुस तथा बेनेट स्टान्सिलले ‘‘सन् २०१२ का लागि शुभकामना’’ दिनसकिन्छ त ? भन्ने प्रश्न गर्नुभएको ।
काठमाडौं–सूचना र सञ्चार क्षेत्रमा भएको नवीनतम् प्रविधिहरुको प्रदर्शनी क्यान इन्फोटेक मेला– २०१२ आजदेखि भृकुटीमण्डपमा प्रारम्भ भएको छ ।सो मेलाको उद्घाटन गर्दै विज्ञान तथा प्रविधि मन्त्री कल्पना धमलाले सूचना प्रविधि देशको समग्र विकासको एक महत्वपूर्ण माध्यम भएको र यसबाट सरकारको सुशासन र पारदर्शितामा सघाउ पुग्ने बताउनुभयो । उहाँले देशका ग्रामीण क्षेत्र र महिला वर्गलाई अधिकतम् सूचना प्रविधिमा पहुँच र सहभागिता गराउन प्रधानमन्त्रीको अध्यक्षतामा सूचना प्रविधि परिषद् गठन गरी कार्य प्रारम्भ गरेको जानकारी गराउनुभयो ।
कानो–पश्चिम अफ्रिकी मुलुक नाइजेरियामा शुक्रबार भएको श्रृखलाबद्ध आक्रमणमा दुई नेपालीको मृत्यु भएको पुष्टि भएको छ । मृत्यु हुने नेपाली हरिप्रसाद भुसाल र राज सिंह भएको नाइजेरियाको अबुजास्थित भारतीय काउन्सिलरले जारी गरेको विज्ञप्तिमा उल्लेख छ । दुवैको नेपाली ठेगाना खुलेको छैन ।
पर्वत– गाउँमा विकास निर्माणका कुरा हुन् वा अध्ययनका कुरा, झैंझगडा कुरा हुन् वा अतिथि सत्कारका कुरा । सबैका लागि परामर्शदाता बनेकी छिन् सुशीला गुरुङ ।चालिस वसन्त पार गरेकी सुशिला बाँचुन्जेल गाउँकै काँंचुली फेर्नमा लाग्ने हठ गर्छिन् । ‘हाम्रो गाउँ गरिबीले पिल्सिए पनि सौन्दर्यले धनी छ,’ उनी साहस प्रकट गर्दै भन्छिन्, ‘यो सौन्दर्यको विदेशमा गए डलरमा किनेर मज्जा लिनुपर्छ, हाम्रो गाउँंमा आए कलासंस्कृतिको मज्जासँगै त्यसको सौन्दर्य सिंत्तैमा लुट्न पाइन्छ ।’
